تقديم: يوسف صبري (١٨٤)

مي سلامة أول رائدة أعمال مصرية تفوز بجائزة Women in Marketing (WiM) Global، والشريك المؤسس لملتقى صناعة الإبداع والشريك الإداري لـThe Worx، عندها أكتر من 20 سنة في مجال التسويق، قدرت خلالهم تحقق نجاحات كتير، اشتغلت فيهم مع براندات كبيرة في مصر وبره مصر. تشاركنا تفاصيل كتير من رحلتها، وازاي قدرت تنجح في تحقيق أهدافها.

مع ا/ أحمد عبيد، المدير التنفيذي لشركة من أشهر الوكالات الإعلانية في مصر، ضيفنا عنده خبرة كبيرة في مجال الإعلان والتسويق ودايماً بيسعى لتحقيق أفضل النتائج في شغله، عشان كده متحمسين جداً لمقابلته والاستفادة من خبرته الكبيرة.

مع رامز ماهر، رائد أعمال مصري بيشتغل في مجال تنمية المجتمع وريادة الأعمال، وهو مؤسس مؤسسة حلم، وهي منظمة غير ربحية بتهدف لدعم الشباب ذوي الهمم وتمكينهم في المجتمع، من خلال توفير فرص التعليم والتدريب المناسبة لهم، رامز بدأ رحلته دي من أكثر من 10 سنوات، وعنده خبرة كبيرة في مجال العمل المجتمعي.

مع الدكتوره نورهان قنديل، نورهان من الشخصيات المؤثره علي السوشيال ميديا بعيداً عن كونها طبيبه، بنعرف رحلتها ازاي بدأت و وصلت فين، و ازاي قدرت تساعد الناس و في نفس الوقت تكون مبسوطه و بتعمل حاجه بتحبها.

مع فنان الثري دي سيف حسام، سيف قدر من سن صغير انه يتعلم مجال الثري دي وبيشتغل فيه بشكل مستمر سواء وظائف او ك فريلانسر. سيف برضه عنده محتوي علي السوشيال ميديا و بيعلم الناس ازاي يشتغلوا و يقدروا يطوروا من نفسهم في مجال الثري دي، ودايماً عنده مبدأ انه بيحب وهو بيتعلم يعلم غيره، هنعرف ازاي سيف بيقدر يحقق اضعاف دخله من الفريلانس وازاي تبدأ شغلك.

مع لمياء كامل، عضو مجلس إدارة في شركة أوراسكوم، ومساعد وزير السياحة والآثار السابق في مصر. قدرت إنها تدير عدد كبير من الحملات الإعلانية بما فيها حملة الإنتخابات الرئاسية لسنة 2012 و 2014، بالإضافة لعملها كأستاذة في التسويق والإتصالات فى الجامعة الأمريكية بالقاهرة. هنتكلم مع لمياء عن خلاصة تجربتها في الحياة والبزنس، وازاي قدرت تحقق حلمها في مجال العلاقات العامة وتشتغل مع الحكومة المصرية وكتير من الشركات العالمية.

مع نديم بركات، واحد من أشهر رواد الأعمال حالياً، هيكلمنا عن خلاصة تجربته في الحياة وفي البزنس، وازاي قدر يحقق أحلامه ويدخل عالم الأعمال ويتميز فيها، تجربة نديم وخبراته أكيد هتكون مفيدة لأي حد بيفكر يكون مدير متميز، موظف شاطر او شخص حابب يبدأ مشروعه الخاص.

مع شام الذهبي، شام كيميائيه و بتحب العلوم جداً و عندها عياده خاصه لمعالجة الجلد و بتقدم خدمات تجميليه. شام هي بنت الفنانه اصالة و لكن برغم شهرة والدتها قدرت ان هي تكون ذاتها و كاريرا بمجهودها و تثبت انها شام الذهبي بذاتها. هنتعرف اكتر علي شام و هنعرف رحلتها اللي مرت بيها وازاي قدرت تنجح.

مع المذيعة السورية سماح وهبة، مقدمة برامج تلفزيونية في اكتر من قناة كبيرة زي ال ايه ار تي و الجزيره، هنعرف ازاي سماح قدرت توصل لكل ده و تحقق نجاحات جوه و بره بلدها .. والاهم من ده هنعرف في اخر الحلقة ان الاراده بتوصل لحاجات مستحيل تتخيلها.

يوسف صبري بيكلمنا اكتر ازاي تمشي خطوات صح للهدف بتاعك مش شرط تكون خطوات اسرع علي قد ما تكون صح .. هنعرف شويه من الرحله الخاصه بـ يوسف .. و هنعرف الجديد للفترة الجايه في البودكاست , و هتعرف الاجابه علي سؤال ازاي تكون غني في ٢٠٢٣.

مع صانعة المحتوي فرح الكردي، فرح بتقدم محتوي تعليمي علي التيك توك، اغلب الناس تعرف فرح من شكلها و استايلها ولكن مفيش ناس كتير تعرف مين فرح اصلاً، نتعرف علي فرح اكتر و هنعرف رحلتها.

مع صانع المحتوي أحمد البدوي، متخصص في فلوجات السفر، بيسافر دول محدش ممكن يفكر انه يروحها و يورينا عاداتهم و تقاليدهم و ازاي بيعيش المواطن فيها، احمد قدر انه يسافر ٦٠ دولة وهو عمره ٢٣ سنه دلوقتي .. هنعرف قصته و ازاي قدر يحقق كل ده في سن صغير ، والاهم هل هيقدر يحقق حلمه في انه يزور العالم كله ؟