تقديم: يوسف صبري (١٩٤)

مع رائد الأعمال طه موسى، مؤسس 929 Specialty Coffee عشان نتكلم عن نمو المشروعات، والتوسع في البيزنس، واختيار الشركاء، وبناء فريق عمل قوي. طه بيشاركنا تجربته في بناء وتوسيع 929، والتحديات اللي واجهته في اختيار المواقع، وإدارة الفروع، واتخاذ القرارات الصعبة.

مع إسلام غنيم، الرئيس التنفيذي لـ GDG — Ghoneim Development Group، في حوار عن الفاميلي بزنس، والمسؤولية اللي بيفرضها عليك، والفرق بين إنك تبدأ باسم كبير وإنك تبقى فعلًا جاهز تشيل مكانك. إسلام يشاركنا تجربته في دخول عالم البزنس في سن صغير، وإزاي أول نجاح سريع قبل التخرج اداله ثقة أكبر من حجم التجربة. وبيحكي عن قراره يخرج بره شغل العيلة عشان يتعلم من السوق، ويتحاسب بعيد عن الاسم، قبل ما يرجع لـ Ghoneim Development Group بمنظور مختلف.

مع جيسي لوزانو، مؤسس مشارك والرئيس التنفيذي لشركة إنتلكتابل، واتكلمنا عن الحاجات اللي بتخلّي شركة تكمل بعد ما الضجة تهدى: الحكم الصح، المرونة النفسية، البيع، والاستعداد إنك تفضل تتعلم حتى وإنت مش شايف الطريق كامل. جيسي بقاله أكتر من 17 سنة بيبني startups. باع أول website قبل ما يعرف هيبنيه إزاي، وبدأ يأتمت شغل متكرر قبل ما الـAI يبقى ترند، وبعد كده كبّر pi-top من prototype معمول في شقة لبيزنس وصل لعملاء في 92 دولة.

مع رائد الأعمال إيهاب جبر، المؤسس والمدير التنفيذي لشركة Sigmatic.ai، نتكلم عن الرحلة الحقيقية وراء بناء منصة تشغيل تعتمد على الذكاء الاصطناعي للمستشفيات ومراكز الجراحة. إيهاب بيحكي إزاي اضطر يسرّح ٣٢ موظفًا في أسبوع واحد، وليه قرر يسيب مجال قضى ١٥ سنة في بنائه، وإزاي بدأ من جديد ودخل عالم التكنولوجيا والاستثمار من غير خلفية تقنية تقليدية.

مع أحمد ناجي، مؤسس NxAI و Inspire، وبنتكلم عن البيزنس والتكنولوجيا، وليه الفرصة الأكبر النهاردة هي دمج الخبرة والخبايا الواقعية لأي بيزنس مع أدوات التكنولوجيا، وليه الالتزام بالـ Research اليومي ومتابعة الأبديتس السريعة بقى هو خط الدفاع الأول لأي رائد أعمال أو موظف عايز يحافظ على مكانه ويسبق بمراحل.

كريم هاني، البطل المصري المتأهل للمنافسة في بطولة «دريفت ماسترز» الدولية، ليصبح أول مصري يشارك في واحدة من أقوي سباقات العالم لرياضة الدريفت، وتأتي هذه المشاركة بعد مسيرة احترافية قصيرة لكنها لافتة. كريم بيحكي لنا إزاي تقدر تحول «الهواية» لإنجاز تاريخي كأول مصري يتأهل لبطولة Drift Masters العالمية، رحلة ملهمة عن الاستثمار في النفس، وإزاي تعمل خبرة 5 سنين في سنة واحدة بالتركيز والالتزام.

محمد خميس، طبيب أسنان سابق، قرر يسيب الطب، ويمشي وراء شغفه بالحكي والمسرح والتاريخ، والنهاردة هو فنان ومرشد سياحي، بيقدر من خلال الحكايات يخلي الناس «تعيش» التاريخ، وكأنهم جزء من القصة، مش مجرد زوّار مش بس علشان يعرفوا التاريخ علشان يعرفوا نفسهم.

مع كرم عطية، أنطوني هنري، وفادي زاهر، مؤسسين Handler – واحدة من أنجح مراكز صيانة وتعديلات السيارات في مصر. بدأوا من ورشة صغيرة في النزهة، وقرروا يسيبوا الشغل المضمون ويراهنوا على شغفهم. هنتعرف أكتر على بداية علاقتهم من أيام الكلية، واللحظة اللي قرروا فيها يبتدوا مشروعهم، والتحديات اللي واجهتهم، وإزاي الشغل الجماعي ساعدهم يحولوا فكرة بسيطة لبراند معروف في السوق المصري.

مع عمر الدفراوي، بطل وزن الويلتر في دوري PFL MENA، وأحد أبرز نجوم الـMMA في الشرق الأوسط وشمال أفريقيا. يتحدث كشاب بيمر بصراعات بين الدين، والشهرة، وتوقعات الناس. عمر يحكي عن رحلته، والتحديات اللي واجهها، وإزاي الصلاة بقت حاجة ثابتة في حياته. نتعرف على شاب عاش وسط تناقضات بين النجاح والشهرة من ناحية، وضغوط المجتمع وإغراءاته من ناحية تانية، وصراع داخلي بينه وبين نفسه… لحد ما بدأ يلاقي إجابات كلنا بندور عليها.

مع خالد الهادي، مؤسس Sushimi، واللي بقى من الأسماء الكبيرة في عالم السوشي في مصر. خالد بيحكي لنا حكايته من أول مرة عمل فيها سوشي لأصحابه، والتشجيع اللي خلاه يكمل، والصعوبات والمراحل اللي مر بها، لحد ما فتح أول فرع لـ Sushimi، وبقت النهاردة علامة معروفة بتقدم تجربة مختلفة وجودة عالية، ووراها فريق قوي شغال كل يوم علشان يطوّرها ويحافظ على نجاحها.

مع محمد صبري ابوطالب، رائد أعمال، المدير التنفيذي والمؤسس لمطاعم كوفتا، واللي هنسمع منه تفاصيل رحلة نجاحه الاستثنائية في مجال المطاعم وإدارتها. بدأ يساهم كمؤسس مشارك ومدير تنفيذي في براندات مطاعم مصرية مهمة. هو مدير تنفيذي ومؤسس مشارك في مطاعم شاورما الريم من سنة 2007، ومؤسس مشارك في مطاعم تغميسة سنة 2016 وساهم في توسعها.

مع أحمد البطراوي، رجل الأعمال وخبير العقارات العالمي، يشاركنا التحديات اللي قابلها وهو بيبني أكبر منصة عقارية رقمية شاملة في مصر، وكمان هيشاركنا قصص واقعية من حياته وخبرته اللي جمعها على مدار 37 سنة.