تقديم: محمد عادل (٣٣)

مع م. أشرف الطنبولي، المؤسس والرئيس التنفيذي لشركة Bridgeco، بيشاركنا قصته من بداية مشواره في مكتب محرم باخوم، وتجربة مشروعات كبرى زي زامبيا، سندوب، والخطاطبة، لحد تأسيس شركته الخاصة Bridgeco، والتحديات اللي قابلها وإزاي قدر يكسب ثقة عملاءه وسط سوق مليان منافسة.

مع م. ياسر سويلم، Partner & CEO لـ DSC إنترناشيونال دبي، بيشاركنا رؤيته عن إزاي الشركات المصرية تقدر تنافس بقوة، ويكشف أهم الأدوات والخطط اللي بتصنع الفارق. المنافسة مش رفاهية.. لو شركتك مش شايفة السوق بوضوح، المنافسين هيسبقوك بخطوات.

مع إبراهيم أنور، مؤسس ICCY، نغوص في أعماق عالم الستارت أب، من التحديات اليومية لبناء شركة، إلى اللحظة التي قرر فيها الخروج منها بشكل استراتيجي. الحلقة تكشف بوضوح الفروق بين رائد الأعمال وصاحب المشروع التقليدي، وتوضح الأسس الحقيقية لنجاح أي مشروع ناشئ، بعيدًا عن الأفكار الحالمة، بل من أرض الواقع بخبرات ودروس عملية.

مع م. محمد التهامي، ناقشنا أهم الأسس اللي ممكن تساعد أي حد – خاصة من خلفية هندسية – إنه يكتشف شغفه ويبدأ مشروع ناجح مبني على فهم حقيقي للسوق والعملاء.

مع المستشار عبدالله الليثي، أحد أبرز خبراء القانون والشريك القانوني الاستراتيجي للقطاعات الهندسية والإنشاءات، واللي وضحلنا ببساطة إزاي قرارات قانونية صغيرة ممكن تكلفك شركتك كلها. في الحلقة بنفتح ملف في غاية الأهمية لأي مهندس بيخطط يبدأ شركته الخاصة أو بيطور شركته القائمة: القانون!

مع المهندس أحمد مجدي، Co-Founder لشركة X Dimension و CEO لشركة Assemble، وحكينا معاه عن رحلته من شغل الوظيفة لحد ما أسس شركاته، والتحديات اللي قابلته، والقرارات اللي فرقت معاه.

مع م. طاهر السعيد، نناقش أهمية المعارض والمؤتمرات الهندسية، وليه حضورها ممكن يكون نقطة تحول لأي مهندس أو صاحب شركة. نتكلم عن إزاي تحضر نفسك كزائر، إمتى تدفع علشان تكون عارض، وإيه الفرق بين المعارض والمؤتمرات. حلقة مهمة لأي حد بيفكر يبني علاقات أقوى، يوسّع شغله، أو يدخل السوق الهندسي بذكاء.

مع م. محمود علي، مؤسس شركة BDI المتخصصة في تعليم واحتراف مجال البيزنس، نتكلم معاه عن كيفية إدارة البيزنس بشكل ناجح في مجال الإنشاءات، وأهمية دور Business Development (BD)، وكيف تقدر تختار الشخص المناسب لهذا الدور.

مع أحمد الملاحي، يتحدث عن أسباب فشل الشركات الناشئة، الأخطاء التي يقع فيها رواد الأعمال، وأهم النصائح للفاوندرز. بالإضافة إلى رحلته في تأسيس شركة Eagle Owl Technology، وأبرز المحطات في مشواره المهني.

مع المهندس محمود طارق، الشريك المؤسس لشركة X-Dimension، واللي هيشاركنا رحلته في تأسيس بيزنس في التحول الرقمي في مجال الإنشاءات والمقاولات، وبيع الشركة للمستثمرين، هنعرف منه إزاي الشركات الهندسية المصرية تقدر تواكب التكنولوجيا الحديثة وتحقق نجاحات كبيرة.

مع المهندس طاهر السعيد، مؤسس شركة كاد ماسترز. نتكلم عن دور القيم في نمو الشركات و وضع التدريب الهندسي في مصر، الحلقة مهمة لكل مهندس عايز يطور نفسه ويعرف أسرار سوق التدريب في مصر.

مع المهندس أحمد الضبع، خبير إدارة المشروعات و رائد اعمال متميز و عندة خبرات كتير كلمنا عنها، الحلقة مفيدة لكل اصحاب البيزنس و رواد الأعمال. قدر يحصل على تمويل بأكثر من 40 مليون جنيه من برنامج شارك تانك.