تقديم: عبدالعزيز دلحي (١٦١)

الكثير من الناس يوصل لمرحله الهوس بشكل الجسم وعمره مايشوف نفسه كفايه، اليوم مع ضيفنا أحمد الغامدي حنناقش حلول لهذي المشكله اللي تواجهه الكثير من الناس خصوصا المبتدئين في التمرين و ايضا حنناقش الطرق الصحيحه لقياس نسبه الدهون و هل فعلا رقم نسبه الدهون مهم انك تعرفه او لا؟

الكثير يعتقد انه الرياضه الوحيده اللي يتم فيها استخدام محسنات الاداء هي كمال الاجسام ولكن هل هذا الكلام صحيح؟ وهل فعلا كل الرياضيين في اعلى الهرم من الاداء الرياضي من لعيبه كره قدم، سله او الرياضات الاولومبيه جميعهم ممكن يكونوا يستخدموا محسنات اداء؟ هذا اللي اليوم حيشرحه معنا اخصائي التغذيه الرياضيه و محسنات الاداء محمد سعد.

بشكل شبهه يومي تمر علينا الكثير من المعلومات عن التمرين ولكن للاسف جزء كبير منها مايكون صحيح او يندرج تحت مصطلح الخرافات. محمد المسعود و عبدالعزيز دلحي جمعوا ١٠ خرافات منتشره مع تفسير وتصحيح علمي لها عشان تتفادى الوقوع فيها.

رياضه الباورلفتنق قاعده تاخذ صيت عالي بالفتره الاخيره خصوصا مع اخر بطوله في المملكه اللي كانت مؤهله لبطوله اسيا الكثير من الناس صار يتسائل كيف ممكن اجهز لبطوله باورلفتنق. وهذا اللي تكلمنا فيه مع ضيفنا اليوم اللاعب صالح ابو الذهب بالتفصيل وتكلمنا عن ابرز الامور اللي حصلت في بطوله المملكه.

الكثير يعاني من عدم توازن العضلات بين الجهه اليمين و اليسار. فهل هذي مشكله تحتاج تحلها؟ وايش الحلول المقترحه لها؟ والكل فينا عنده عضلات تعتبر نقطه ضعف عنده، كيف ممكن الشخص يطور نقاط الضعف هذي؟

- ايش وظائف الصوديوم في الجسم؟ وعلاقته بترطيب الجسم. - ايش اهميه الصوديوم على الاداء الرياضي؟ - كم المفروض تاخذ ملح باليوم؟ - وليش الناس تخاف من الملح؟ - وهل الملح يحبس المويه بالجسم؟ - البوتاسيوم، دوره بالجسم والترطيب.

كثير نسمع انه لازم تكون وضعيه جسمك مستقيمه خلال الجلوس وانه غير كذا ممكن يجيك الام خصوصا بالرقبه او اسفل الظهر، ولكن هل فعلا وضعيه الجسم لها تأثير مباشر على الالم؟ وهل لازم الجسم يكون متساوي بالجهتين او لا؟ و ايش اهميه التنفس الصحيح خلال اليوم وكيف ممكن تطور من طريقه التنفس عندك؟ كل هذا و اكثر يشاركنا فيه اخصائي علاج الحركه امير الداغر.

الكافيين هو من اكثر الاشياء اللي الناس تستهلكها من عشرات السنين لتأثيره الواضح على زياده التركيز وتحسين الاداء الرياضي. حنتكلم عن كيفيه عمل الكافيين، فوائده و تأثيره على الاداء الرياضي، و اضراره المحتمله مع الاستخدام الخاطىء وكل شيء ثاني ماكنت تعرف انك تحتاج تعرفه عن الكافيين بالتفصيل.

في الآونه الاخيره يوجد صحوه كبيره للتدريب والتغذية حسب الادله العلمية، ايش ايجابيات وسلبيات الشيء هذا؟ وهل نقدر نعتمد على العلم ١٠٠٪ وننفي الخبره والممارسة او لا؟

هل ممكن تلعب باورلفتنق و كمال اجسام بنفس الوقت؟ في هذا الحلقه شرحنا اساسيات الباورلفتنق و تعريفها و ايضا تعريف كمال الاجسام وتكلمنا عن الفروقات الاساسيه بينهم و الاشياء المشتركه ايضا.

تكلمنا كيف ممكن تنظم وقتك مع مشاغل حياتك و كيف ممكن توازن مابين الدراسه و التمرين.

العالم مينو يعتبر من اقوى الباحثين قي المجال الرياضي ويقدم اقوى دورة في المجال الرياضي. الحلقة مترجمة بالعربي باليوتيوب. تكلمنا عن الحافز للبناء العضلي و التقسيم التدريبي و كيف تكسر حاجز التطور بالتمرين.