تقديم: عبدالعزيز دلحي (١٦١)

الكل يجيه فتره بيتمرن في البيت سواءا لضيق الوقت و الاشغال او كتفضيل شخصي، و احيانا الشخص يدمج بين التمرين المنزلي و الجيم. نتكلم بكل شي تحتاج تعرفه عن التمرين بالمنزل ابتداءا من الصفر بادوات الجسم، وبنعطيك لسته باهم الادوات اللي تحتاجها بالتدريج من الاقل اهميه الى اعلى اهميه و حسب ميزانيتك كمان.

كلنا بتجينا فتره نسافر، سواءا للعمل او الترفيه. تكلمنا بكل شيء تحتاجه للموازنه بين السفر و حفاظك على جسمك وصحتك بدون تعقيد او مثاليات.

الكل يعرف الفشل العضلي، وتكلمنا بالحلقات السابقه انه الشخص يكون بعيد عن الفشل العضلي بعده او عدتين حيكون كافي في سياق البناء العضلي. ولكن يوجد مقياس لمتابعه شده الجلسات او البعد عن الفشل العضلي يسمى بال RPE او مقدار الطاقه المخزنه. هذا المقياس طوره شخص اسمه مايك تيشير وهو ضيف حلقتنا لليوم. نتكلم بالتفصيل عن كل شي تحتاجه عن شده الجلسات.

الكثير يتسائل عن اكسسوارات التمرين من الحزام، الشوز، ربطات اليد وغيرها. فصلنا جميع الاكسسوارات في التمرين وكيف ومتى تستخدمها وايش فوائدها.

موظف بدوام كامل وتعاني من الالتزام بالتمرين؟ تكلمنا عن الموازنه بين الوظيفة والتمرين كرياضي محترف مع بطل المملكه في الباورلفتنق صالح ابو الذهب.

الام اسفل الظهر تعتبر الاكثر انتشارا بين الرياضيين وعامه الناس. والبعض يعاني من الام اسفل الظهر لفترات طويله، يشاركنا اخصائي العلاج الطبيعي الدكتور محمد الرويلي كل ماتحتاجه عن التعامل مع الام اسفل الظهر.

تبغى تصير مدرب لنفسك وتفهم كيف تتابع تمرينك وتغذيتك و تطورك بدون مساعده احد؟ هذي الحلقه بتعطيك الادوات اللي تحتاجها.

ماهو الانسولين وليش نسمع عنه الكثير من الامور السلبيه؟ يشاركنا احمد الشحي كل شي تحتاج تعرفه عن هرمون الانسولين وتاثيره على رحلتك في تغيير جسمك. بعض محاور اللقاء: ماهو الانسولين وماوظيفته في الجسم ؟ ربط الانسولين بالسمنة ماهو السبب ؟ ماهي مقاومة الانسولين , وكيف يتم علاجها؟ لماذا يتم ربط السكر والكارب بالسمنة ؟ الانسان يقدر يعيش بدون كاربوهيدرات. الاكلات بمؤشر قلايسيمي عالي قد تضر الشخص ؟

مع عبدالله الصافي، تجديد المعلومات والمصداقية، هل البناء العضلي يشترط فيه عدد معين من العدات؟، المرونة الذهنية، قدوة عبدالله الصافي في رياضة كمال الأجسام، اهمية النادي رغم مشاغل الحياة.

الكل فينا يحاول يظهر نفسه بافضل مظهر ويخفي الكثير من الثغرات اللي عنده، و احد هذي الثغرات اللي منتشره هي انعدام الثقه بالنفس. نشارك معك قصصنا الشخصيه مع عدم الثقه بالنفس وايش سوينا للتغلب على هذي الثغره، بدون فلاتر او تصنع للمثاليه. شاركنا الكثير من الكلام اللي اول مره نشاركه و الهدف هو انه ممكن تكون قصصنا ملهمه بالنسبه لك وتقدر تزيد ثقتك بنفسك ايضا في جميع مجالات حياتك.

الكثير من الناس يبدى يدخل بتفاصيل كثير بالتمرين خصوصا في البدايات و التفاصيل هذي ممكن تخلي موضوع التمرين معقد اكثر من اللزوم. نفصل الكثير من الامور اللي تم تعقيدها في التمرين بالفتره الاخيره عشان ماتقروش نفسك فيها.

اخذنا الاسئله من المتابعين وكنتوا انتم على البنش.