مع الملحن والموزع والموسيقار العبقري هاني شنودة، يشاركنا كتير من رحلته ومحطاته الفنية، ونسمع موسيقته بكلامه عنها ونستمتع معاه. موسيقار طوّر في الموسيقى وأشكالها على مر السنين وعلى مدار أجيال مختلفة. كلنا حفظنا ألحانه وأغانيه واستمتعنا بيه. لحن لأهم نجوم الزمن الجميل، زي نجاة الصغير وفايزة أحمد وعدوية. واكتشف أهم نجوم الغناء في مصر وأثر في مسيرتهم وأمتعنا بفنهم، وأبرزهم عمرو دياب ومحمد منير.
التيك توكر وصانعة المحتوى القيم المختلف «إيمان يحيى» هي ضيفتنا؛ تكلمنا عن حياتها وحبها للقراية وإزاي ابتدت فكرتها ووصلت بيها لقلوب ناس كتير ووجهت اهتمامهم لحاجة تفيدهم. بعد محاولتها إنها تنبّه الناس لظواهر اجتماعية بتحصل وفيها مغالطات، قدرت إنه تخلّي محتواها عن الكتب والقراية. وبدأت تعمل مراجعات عن الكتب والروايات، وتنصح الناس إزاي يقروا وترشحلهم اللي يناسبهم.
مع صانع المحتوى الشهير وليد مصطفى واحد من أصحاب نقط التحوّل المُلهمة دي. ابتدى صناعة المحتوى من فيديو هزار عمله بالصدفة عن شغله، ولقى ردود فعل عظيمة من الجمهور، والموضوع استمر واتطوّر، لحد ما عمل برنامجه «فضفضة» اللي بيكتبه ويصوّره ويمنتجه بنفسه.
يوسف صبري يكلمنا عن أهمية التركيز على حاجة واحدة، وإزاي استفاد منها وغيّر بيها حياته. ويعرّفنا إزاي نتعامل مع قوة إرادتنا، ونواجه الأكاذيب اللي بنضحك بيها على نفسنا ونعطّل بيها روحنا. يوسف يتكلم معانا في حاجات كتير مهمة، وهيقولّنا تفاصيلها في تجاربه وخبراته كانت عاملة إزاي.
ضيوفنا إسلام سالم وطه موسى مؤسسين وشركاء 929 Speciality Coffe house.. الكافيه المتخصص في القهوة بكل أصنافها. حلقة مليانة بقصص نجاح ومشاكل أصحابها واجهوها وتجاوزوها.. رحلتهم فيها إلهام كبير جدًا، وهتسمعوا منهم التفاصيل وهتتعلموا كتير في قصتهم.
مع رجل أعمال وخبير عقارات مصري أمريكي، هو المؤسس والمدير التنفيذي لشركة Arab MLS، الشركة العقارية الرائدة بالشرق الأوسط؛ واللي بتستهدف تبسيط الصفقات العقارية بين العملاء والمشترين. ضيفنا هو أحمد البطراوي، اللي عمل صفقات عقارية تجاوزت المليار دولار من خلال شركاته. وشغوف دايمًا بالأنظمة الرقمية الإلكترونية، وكان هدفه يوفّر منصة عقارية مصرية إلكترونية عليها كل معلومات العقارات متحدثة ودقيقة، وفعلًا أطلق أهم منصة مصرية رقمية للتداول العقاري Egypt MLS في 2023.
مع شاب مُلهم جدًا عافر في أكتر من مجال كان شغوف فيه، وحقق فيهم نتايج جميلة على أرض الواقع. محمد مكاوي الشاب الجميل اللي درس تسويق في الجامعة الأمريكية، وكان حابب التمثيل وعاوز يعمل فيه حاجة. قدر مكاوي يكون رائد أعمال ويأسس شركة تسويق إلكتروني، اشتغل على فكرتها من سنة 2007، وحاول يغيّر من خلالها مفاهيم كتير في مجال التسويق الإلكتروني، وقدر يكبّرها لحد ما بقت وكالة إعلانية على أرض الواقع، ويخليلها بصمة مختلفة ويبقى عنده عملاء كبار بيسوّق لعلاماتهم التجارية.
مع عمر البربري، الشريك المؤسس والمدير التنفيذي لمنصة OBM لتكنولوجيا التعليم اللي أطلقها في 2020 بهدف الإرشاد المهني للطلاب المصريين، ومؤسس تطبيق «طالب» اللي بيساعد الشباب في مرحلة تنسيق الجامعات وقراراتها. عمر صاحب رحلة نجاح ثرية ومهمة، أثرت بشكل مبتكر وفعّال في مجال التعليم المصري. قصته ودوافعه مليانين إلهام ومحفزات لينا كلنا عشان نفكّر في مشروع يغيّر شبابنا ومجتمعنا للأفضل حقيقي.
حسام هيكل واحد من أبرز مؤثرين الشرق الأوسط في عالم السوشيال ميديا، مر بتجارب ودراسات كتيرة جدًا في حياته أكسبته خبرات كبيرة ومتنوعة في عالم البيزنس والتنمية الذاتية. أطلق مباردة «عيل يشرف» الشهيرة، وأصدر كتابين بقلمه؛ الأول كان «المعنى في طريقي» اللي اتنشر في 2017، والتاني كان «الوصية» اللي اتنشر في 2019.
مع عبدالقادر خالد مؤسس المقر Co-Work Spaces وشركة Zammit للشحن وإدارة شركات الأعمال ودعمها بأنظمة الديجيتال.
مع عبدالله سلام، تكلمنا عن حياته وعيلته وشغله وقصة نجاحه الكبيرة في شركة مدينة مصر. وعرفنا كمان رؤيته لحاجات كتير في الحياة وفي عالم البيزنس.
عبدالرحمن العربي سباح مصري محترف، ولاعب في منتخب مصر للسباحة، قدر يحقق عدد كبير من الإنجازات أبرزها: الفوز بالميدالية الذهبية في بطولة قسم المحيط الأطلنطي في سباق 50 ياردة حرة. يعتبر عبدالرجمن نموذج ملهم للشباب المصري، بيثبت لنا إنه النجاح في أي مجال ممكن طالما عندك الشغف وبتسعى بشكل جاد لتحقيق هدفك. هيكلمنا عن رحلة نجاحه ويكشف لنا عن أكتر الحاجات اللي ساعدته يكون مؤثر في مجاله.
