مع محمد ناجي، شريك مؤسس ورئيس تنفيذي لشركة المقر، والمدير العام لشركة الجريك كامبس بعد دمج شركتين المقر والجريك كامبس في 2023. وهو برضه المذيع اللي بيقدّم حلقات بودكاست المقر. شارك في تأسيس شركات كتير خلال مشواره المهني، منهم DOTS Planner و JRNY و Zammit. غير قصص النجاح اللي قدر يساهم في صنعها مع شركات مختلفة.
مع البلوجر كریم قباني، بلوجر مشهور وله آراء مؤثرة على نطاق واسع، ومن أكتر البلوجرز الداعمین للقضیة الفلسطینیة. وهو صاحب الواقعة الأشهر في إنه اترفد من شغله في فرنسا بسبب الآراء والبوستات والاستوریز اللي بیحطها على حساباته دعمًا للقضیة.
مع د. حسام الغروري، مؤسس وصاحب معهد CORE - The relationship institute اللي بيشتهر بتقديم ورش عمل تطويرية بتساعد الأفراد والأزواج على بناء علاقات أقوى. وهو مدرّب معتمد من الاتحاد الدولي للمدربين (ICF)، ومدرب للكوتشينج في Intellect Coaching School، وعنده خبرات متنوعة لدعم الناس في مجالات حياتهم المختلفة.
مع د. إيهاب فكري، مؤسس منصة المنتور التعليمية، واللي قدمت أكتر من 1,000 كورس في مجالات التطوير الشخصي والمهني واللغات والتسويق وريادة الأعمال.
مع د. أحمد أبو الوفا، استشاري طب نفسي وطب نفس الأطفال والمراهقين، والمُعد النفسي لفريق كرة القدم في النادي الأهلي. ومن حبه في الإعلام والكتابة قدر إنه يستخدم علمه بشكل مؤثر ومفيد لكل الناس وقدر يعملهم التوعية بكافة الطرق. اشتغل مدير إدارة الإعلام والعلاقات العامة في الامانة العامة للصحة النفسية، وكان من أول الناس اللي ساهمت في تأسيس الخط الساخن للصحة النفسية. وهو اللي أطلق مبادرة «بالعربي - مشروع التوعية النفسية باللغة العربية».
مع نور مرشدي، الرئيسة التنفيذية في مجموعة المرشدي، ورائدة النجاح في إدارة مجموعة المرشدي اللي أسسها والدها محمد المرشدي من سنة 1983. مهندسة معمارية نجحت في إنها تحافظ على إنجازات والدها وتزوّدها. تم اختيارها من مجلة فوربس للشرق الأوسط ضمن قائمة قادة الشركات العقارية الأكبر تأثيرًا في الشرق الأوسط سنة 20224.
استشاري طب نفسي ورائد أعمال وصانع محتوى! خبرته عالمية في المجال النفسي، عضو في الجمعية الأمريكية للعلاج النفسي للمتزوجين والأسرة. وتخصص في الطب النفسي العام للبالغين، وعلاج أعراضه الشائعة زي الاكتئاب والقلق واضطرابات المزاج.
مع الملحن والموزع والموسيقار العبقري هاني شنودة، يشاركنا كتير من رحلته ومحطاته الفنية، ونسمع موسيقته بكلامه عنها ونستمتع معاه. موسيقار طوّر في الموسيقى وأشكالها على مر السنين وعلى مدار أجيال مختلفة. كلنا حفظنا ألحانه وأغانيه واستمتعنا بيه. لحن لأهم نجوم الزمن الجميل، زي نجاة الصغير وفايزة أحمد وعدوية. واكتشف أهم نجوم الغناء في مصر وأثر في مسيرتهم وأمتعنا بفنهم، وأبرزهم عمرو دياب ومحمد منير.
التيك توكر وصانعة المحتوى القيم المختلف «إيمان يحيى» هي ضيفتنا؛ تكلمنا عن حياتها وحبها للقراية وإزاي ابتدت فكرتها ووصلت بيها لقلوب ناس كتير ووجهت اهتمامهم لحاجة تفيدهم. بعد محاولتها إنها تنبّه الناس لظواهر اجتماعية بتحصل وفيها مغالطات، قدرت إنه تخلّي محتواها عن الكتب والقراية. وبدأت تعمل مراجعات عن الكتب والروايات، وتنصح الناس إزاي يقروا وترشحلهم اللي يناسبهم.
مع صانع المحتوى الشهير وليد مصطفى واحد من أصحاب نقط التحوّل المُلهمة دي. ابتدى صناعة المحتوى من فيديو هزار عمله بالصدفة عن شغله، ولقى ردود فعل عظيمة من الجمهور، والموضوع استمر واتطوّر، لحد ما عمل برنامجه «فضفضة» اللي بيكتبه ويصوّره ويمنتجه بنفسه.
يوسف صبري يكلمنا عن أهمية التركيز على حاجة واحدة، وإزاي استفاد منها وغيّر بيها حياته. ويعرّفنا إزاي نتعامل مع قوة إرادتنا، ونواجه الأكاذيب اللي بنضحك بيها على نفسنا ونعطّل بيها روحنا. يوسف يتكلم معانا في حاجات كتير مهمة، وهيقولّنا تفاصيلها في تجاربه وخبراته كانت عاملة إزاي.
ضيوفنا إسلام سالم وطه موسى مؤسسين وشركاء 929 Speciality Coffe house.. الكافيه المتخصص في القهوة بكل أصنافها. حلقة مليانة بقصص نجاح ومشاكل أصحابها واجهوها وتجاوزوها.. رحلتهم فيها إلهام كبير جدًا، وهتسمعوا منهم التفاصيل وهتتعلموا كتير في قصتهم.
