هيكون معانا في حلقة النهارده صاحب أشهر وأفضل Co-Work Spaces في مصر تقريبًا.. الجميل عبد القادر خالد مؤسس المقر Co-Work Spaces وشركة Zammit للشحن وإدارة شركات الأعمال ودعمها بأنظمة الديجيتال.
ـ عبد القادر خالد ابتدى رحلته في مجال البيزنس من سن صغير جدًا، وكان بيعمل ده بالتوازي مع شغله كموظف في شركة Multi National، وده خلّه يكتسب خبرات ومهارات مرعبة في مجالات الاعمال. ابتدى محاولاته في البيزنس الخاصة مع زمايله والـ Partners بتوعه ناجي وشريف.
كانت بدايتهم مع المقر ومشروع الرحلة بالتزامن معاه تقريبًا، ومع التجارب واكتساب الخبرات، كبر المقر وكبروا معاه لحد ما بقى أكبر سلسلة Co-Workspaces في مصر ومن أكبرها في العالم العربي، فروعه من وسط البلد بقت كمان في التجمع والشيخ زايد واكتوبر والمعادي، لحد الجونة! وعملوا كمان بودكاست خاص بيهم على Web Site المقر. ومع خبرة عبد القادر وتقديره لأهمية أنظمة الديجيتال، عمل مع شركائه Zammit اللي صنعت قصص نجاح كبيرة لشركات كتير.
ـ عبد القادر خبرته جبارة في مجال الأعمال والبيزنس، وعنده معرفة مش طبيعية في أنظمة الديجيتال ومميزاتها؛ أكيد هتستفيدوا معاه بـ Values كبيرة هتساعدكم في أي بيزنس بتحاولوا تعملوه.