فيه حقيقة بتتقال دايمًا إن أهم أساسات قوة أي شعب وتنميته وتقدمه هو التعليم، عشان كده النهارده معانا ضيف مهم، أطلق مشروع من أهم المشروعات المختصة بتطوير التعليم وتنميته في مصر، واللي بيساهم بشكل مؤثر وقيّم جدًا في مساعدة طلاب الجامعات على تحديد تخصصاتهم وتوفيرة المشورة المهنية وبرامج التدريب ليهم طول رحلتهم الدراسية والعملية كمان.
معانا في حلقة النهارده “عمر البربري”، الشريك المؤسس والمدير التنفيذي لمنصة OBM لتكنولوجيا التعليم اللي أطلقها في 2020 بهدف الإرشاد المهني للطلاب المصريين، ومؤسس تطبيق “طالب” اللي بيساعد الشباب في مرحلة تنسيق الجامعات وقراراتها.
عمر صاحب رحلة نجاح ثرية ومهمة، أثرت بشكل مبتكر وفعّال في مجال التعليم المصري. قصته ودوافعه مليانين إلهام ومحفزات لينا كلنا عشان نفكّر في مشروع يغيّر شبابنا ومجتمعنا للأفضل حقيقي. شاركونا تجربته في الحلقة.