الطريق لنجاح أي بزنس عمره ما بيكون سهل، مليان قرارات صعبة، ريسك كبير، ولحظات إحباط ممكن تخليك تفكر توقف، بس وجود شريك لك مؤمن بنفس الحلم، وفريق بيكمل بعض، هو اللي بيعمل الفرق الحقيقي.
في الحلقة الثالثة من الموسم الرابع من بودكاست YS Mindset، استضفنا كرم عطية، أنطوني هنري، وفادي زاهر، مؤسسين Handler – واحدة من أنجح مراكز صيانة وتعديلات السيارات في مصر.
بدأوا من ورشة صغيرة في النزهة، وقرروا يسيبوا الشغل المضمون ويراهنوا على شغفهم، في الحلقة دي هنتعرف أكتر على بداية علاقتهم من أيام الكلية، واللحظة اللي قرروا فيها يبتدوا مشروعهم، والتحديات اللي واجهتهم، وإزاي الشغل الجماعي ساعدهم يحولوا فكرة بسيطة لبراند معروف في السوق المصري.
اسمعوا الحلقة كاملة، واستنوا قصص أكتر ملهمة في الحلقات الجاية!
مواضيع الحلقة:
- ازاي يوسف اتعرف على Handler
- البداية وحجم البيزنس دلوقتي؟
- الصداقة اللي بقت شراكة
- التحديات والريسك اللي قابلهم
- البدايات: من الحلم للواقع
- القيم المشتركة وسر النجاح
- تقسيم الأدوار في الشراكة
- الشخصيات المؤثرة في رحلتهم
- معايير اختيار وتدريب التيم
- أصعب التحديات في الشغل
- ازاي اخدوا قرار التوسع
- البرفورمنس: قصة تعديلات المواتير ودخول عالم السباقات