حلقة خاصة جدًا، مع ضيف استثنائي بيشاركنا رحلته الملهمة وتجربته الفريدة من نوعها، رحلة بدأت من أول يوم في حياته بمواجهة مرض نادر اسمه “ديستونيا”، المرض ده بيأثر على الحركة والتحكم في الأطراف، لكنه ما منعوش يكمل حياته بحماس وإصرار، ويواجه كل حاجة تقف في طريقه بروح إيجابية، ورغم التحدي الكبير اللي فرضه المرض على حياته، لكنه قدر يحوله لدافع قوي يخليه يحقق أهدافه.
ضيفنا هو صانع المحتوى والمؤثر عمرو قشطة، واللي هيشاركنا تفاصيل رحلته من صعوبات الحياة اليومية، مرورًا بقصص التنمر اللي مر بيها وإزاي واجهها، وهنعرف منه إزاي الإيجابية والتفكير المختلف ممكن يغيروا حياتك حتى لو كانت الظروف صعبة، وكمان هيحكي لنا عن مشروعه الجديد، اللي من خلاله بيسعى لنشر الوعي ويخلينا نشوف ذوي الاحتياجات الخاصة بنظرة أعمق.
نوعدك إنك هتخرج من الحلقة دي بطاقة أمل ورسائل إيجابية هتحمسك، وهتخليك تشوف الحياة بمنظور مختلف، شوف الحلقة وشاركنا رأيك في التعليقات!
مواضيع الحلقة:
- رحلتي مع الديستونيا
- التنمر وأثره على شخصيتي
- الإيجابية فرقت في حياتي
- مرحلة العلاج الطبيعي
- العلاقات الاجتماعية
- تحديات الدراسة والجامعة
- بدايتي في مجال الإنتاج
- تجربتي مع الإخراج
- الإيجابية منهج حياتي