استهدف مجال الدعاية والتسويق والإعلان من وقت دراسته، ودخل جامعة MSA واتخرج منها ببكالوريوس آداب تخصص علاقات عامة وإعلان واتصالات تطبيقية.
ابتدى بعدها مشواره المهني في البيزنس وريادة الأعمال، واكتسب خبراته بالتدريج في مجال المطاعم، وبدأ يساهم كمؤسس مشارك ومدير تنفيذي في براندات مطاعم مصرية مهمة.
هو مدير تنفيذي ومؤسس مشارك في مطاعم شاورما الريم من سنة 2007، وقدر يصنع نجاح كبير للبراند ويطوّره بشكل متميز لحد النهارده. ومؤسس مشارك في مطاعم تغميسة سنة 2016 وساهم في توسعها.
في 2023 أسس أهم براند في مسيرته؛ سلسلة مطاعم كوفتا اللي قدرت تحقق نجاح وانتشار استثنائيين في وقت قصير جدًا؛ وبقى لها فروع في معظم مناطق القاهرة وكتير من محافظات مصر زي بورسعيد والمنصورة، غير الساحل الشمالي والعلمين ومارينا، ومؤخرًا فروعها في الدول العربية زي السعودية.
ضيفنا النهارده هو رائد الأعمال محمد صبري ابوطالب ، المدير التنفيذي والمؤسس لمطاعم كوفتا، واللي هنسمع منه تفاصيل رحلة نجاحه الاستثنائية في مجال المطاعم وإدارتها.. هتلاقوا دروس كتير في الرحلة ومحطاتها هتلهمكم جدًا، شوفوا الحلقة وهنستنى آرائكم في التعليقات.
مواضيع الحلقة:
- البراندات في عصر السرعة
- بدايتي وتطوّري مع المطاعم
- المسؤوليات بعد وفاة والدي
- إزاي فكّرنا في التطوير
- أزمة الكورونا وتأثيرها
- انطلاقة كوفتا وتوسعاته
- هدفي أوصل لدول أجنبية
- اتعاملت مع كل المراحل