بعد مسيرة دراسية حافلة في الجامعة الأمريكية، اتخرج منها واتخصص في هندسة البترول. وبعد سنين، رجع الجامعة مُحاضر بيناقش فيها التسويق ومشروعاته مع الطلاب والمستثمرين.
شغفه الكبير تجاه إدارة وتطوير العلامات التجارية الفاخرة خلّاه محل ثقة لأهم علامات تجارية عالمية في مصر و استشاري رجال الأعمال الأصغر سناً في مجاله، ويركّز جهوده في خلق علامات تجارية محلية بمستوي عالمي، لحد ما أطلق شركته الخاصة Longe Black وقدر يخليها من أشهر شركات الاستشارية لصناعة العلامات التجارية في مصر، وتجاوز حدود المحلية ووصل بعلامته التجارية للعالمية كمان.
ـ كان لينا لقاء معاه من سنتين في بودكاست YSMindset وناقشناه في كيفية تحويل شركة من المحلية للعالمية، وهتلاقوا رابط مشاهدتها تحت.
والنهارده هنسمع منه تفاصيل رحلته بشكل أعمق، وهنعيش معاه منافساته ونجاحاته في السوق العالمي.
ضيفنا النهارده هو مهندس البترول محمد السمان، والمعروف بـ “مو السمان” المؤسس المشارك والمدير التنفيذي لشركة Longe Black. واللي هتلاقوا إلهام كبير في رحلته ومغامراته في عالم الBranding. شوفوا الحلقة وهنستنى آرائكم في التعليقات.
مواضيع الحلقة:
- البراندات العالمية ولكزياس
- تطورات السنتين اللي فاتوا
- كبّر الناس اللي حواليك
- اتعلم تعرف اللي يرضيك
- شغلنا مع محمد زيدان
- استراتيجية البراندينج وتأثيرها
- تقدير العُملا بيفرق جدًا
- مستويات البراندينج