دكتور تحاليل مصري وطبيب ناجح، طارد شغفه الكبير بالسفر وصناعة المحتوى وعالم الفعاليات والموضة، وبقى رائد أعمال ومؤسس شركة من أهم الشركات المتخصصة في إدارة وتنظيم الفعاليات والعلاقات العامة.
حقق نجاحاته الاستثنائية في مجال الطب، وأسس سلسلة معامل Amin Lab للخدمات الطبية والتحاليل المتقدمة. وكانت ليه مُبادرة عظيمة وقت أزمة الكورونا؛ بإنه وفر تحاليل الكورونا من خلال معامله بنص التكلفة بس وبدون أي ربح شخصي؛ عشان يقدر يساعد الناس اللي شاكة في إصابتها بالكورونا ويطمّنهم على صحتهم.
وعلى مستوى ريادة الأعمال ليه نجاحاته الاستثنائية برضه.. قدر يأسس شركة Slick Management المختصة بإدارة الفعاليات وتنظيمها والعلاقات العامة. واشتغل من خلالها مع أكبر البراندات المحلية والعالمية، زي Nokia، Samsung، EVA Pharma، Citroen Sheraton، صيدليات العزبي، والموسيقي Groovy X.
ده غير نجاحه على السوشيال ميديا، بتقديمه محتوى مع زوجته هدى الأطروشي واللي بيشاركوا تفاصيل حياتهم مع جمهور مواقع التواصل، وليهم عدد كبير جدًا من المتابعين.
ضيفنا النهارده هو د. محمد أمين مؤسس شركة Slick Management وسلسلة معامل Amin Lab، واللي خبراته الطبية والحياتية والعملية والاجتماعية ثرية جدًا، هنعيش معاه مراحل رحلته المُلهمة بالتفصيل ونستخلص منها قيّم كتير مفيدة. شوفوا الحلقة وهنستنى آرائكم في التعليقات 😉
مواضيع الحلقة:
- شغفي والسوشيال ميديا
- فلوس من السوشيال ميديا!
- إزاي جذبت براندات تقيلة
- شهرتك بصناعة المحتوى
- الجيم مهم جدًا
- حياة السوشيال ميديا.. فيلم
- اسعى لغيرك
- اعمل المحتوى اللي بتحبه
- الشباب والجواز