العقارات مجال واسع ومهاراته مابتنتهيش، بيحتاج خبرات وتجارب كتيرة عشان تقدر تجبر فيه وتحقق اسم وتسيب بصمة في السوق.
والنهارده معانا رجل أعمال وخبير عقارات مصري أمريكي، هو المؤسس والمدير التنفيذي لشركة Arab MLS، الشركة العقارية الرائدة بالشرق الأوسط؛ واللي بتستهدف تبسيط الصفقات العقارية بين العملاء والمشترين.
ضيفنا هو أحمد البطراوي، اللي عمل صفقات عقارية تجاوزت المليار دولار من خلال شركاته. وشغوف دايمًا بالأنظمة الرقمية الإلكترونية، وكان هدفه يوفّر منصة عقارية مصرية إلكترونية عليها كل معلومات العقارات متحدثة ودقيقة، وفعلًا أطلق أهم منصة مصرية رقمية للتداول العقاري Egypt MLS في 2023.
غير إنه مؤسس شركة Arab MLS ومنصة Egypt MLS، هو رئيس شركة E-Systematic، ومؤسس وشريك في شركة Engel & Völkers العقارية في أورلاندو. ومدير تنفيذي لشركة AMP Technology، ورئيس تنفيذي لشركة DSP Technology Dubai. وواحد من أهم الأشخاص اللي أثرت في Google Adwords وأنظمة الإعلان الرقمي.
النهارده هيشاركنا بتجاربه العالمية والمحلية اللي اكتسب فيها خبرات مهمة وفارقة في حياته.. وهيقول كلام مهم جدًا عن توقعاتنا في الحياة وإزاي نستفيد بطاقة شبابنا ونتعامل مع مشوارنا المهني.
- بدايته مع مجال العقارات
- مشروعاته العقارية والتكنولوجية
- شغفه بإتمام صفقات البيع
- أهمية الصبر في البيزنس
- أهمية التواصل في التسويق
- مفهوم الشغف عند الشباب
- الحياة مراحل مختلفة
- موظف المبيعات الشاطر
- أهمية العقارات في مصر
- المجال العقاري في دبي
- التكنولوجيا وتأثيرها الضخم
- الحياة مش عادلة!
- الكسل أوحش عدو للإنسان
- استثمر في نفسك