فيه أذكياء وفيه عباقرة، فيه شطار وفيه نوابغ.. فيه فنانين وفيه علامات فارقة في تاريخ الفن المصري.
والنهارده في حلقتنا الخاصة معانا علامة وأيقونة في الفن المصري، موسيقار طوّر في الموسيقى وأشكالها على مر السنين وعلى مدار أجيال مختلفة. كلنا حفظنا ألحانه وأغانيه واستمتعنا بيه. بمجرد ما تسمع لحنه وموسيقته بتحس ببصمته المختلفة. موسيقته في أفلام كتير اتحفرت في ذاكرتنا ووجداننا، وارتبطت بذكرياتنا. لحن لأهم نجوم الزمن الجميل، زي نجاة الصغير وفايزة أحمد وعدوية. واكتشف أهم نجوم الغناء في مصر وأثر في مسيرتهم وأمتعنا بفنهم، وأبرزهم عمرو دياب ومحمد منير. وأسس فرقة المصريين اللي أمتعونا بأغانيهم سنين وسنين، زي ماشية السنيورة وماتحسبوش يا بنات.
ومعزوفته لونجا 79 اللي كانت في تتر برنامج الكاميرا في الملعب، ارتبطت بذكرياتنا كلنا، وحققت رصيدها من العالمية بعد ما تاتعزفت في حفلة الجولدن جلوب وقت جوايز مسلسل رامي.
ضيف حلقتنا الخاصة النهارده، هو الملحن والموزع والموسيقار العبقري هاني شنودة، هيشاركنا كتير من رحلته ومحطاته الفنية، والمرة دي هنسمع موسيقته بكلامه عنها ونستمتع معاه.
- الفرصة والسعي
- نجاح فرقة المصريين
- الهجوم اللي اتعرضت ليه
- اكتشافي لمنير
- شغلي مع الشباب
- موسيقتي مع نجاة الصغيرة
- النجاح ملوش توقيت
- مفهوم الشغف
- التعامل مع الزعل
- سر نجاح المصريين
- أهمية التأمل
- الابتكار