محمد خميس، طبيب أسنان سابق، قرر يسيب الطب، ويمشي وراء شغفه بالحكي والمسرح والتاريخ، والنهاردة هو فنان ومرشد سياحي، بيقدر من خلال الحكايات يخلي الناس «تعيش» التاريخ، وكأنهم جزء من القصة، مش مجرد زوّار مش بس علشان يعرفوا التاريخ علشان يعرفوا نفسهم.
مع كرم عطية، أنطوني هنري، وفادي زاهر، مؤسسين Handler – واحدة من أنجح مراكز صيانة وتعديلات السيارات في مصر. بدأوا من ورشة صغيرة في النزهة، وقرروا يسيبوا الشغل المضمون ويراهنوا على شغفهم. هنتعرف أكتر على بداية علاقتهم من أيام الكلية، واللحظة اللي قرروا فيها يبتدوا مشروعهم، والتحديات اللي واجهتهم، وإزاي الشغل الجماعي ساعدهم يحولوا فكرة بسيطة لبراند معروف في السوق المصري.
مع عمر الدفراوي، بطل وزن الويلتر في دوري PFL MENA، وأحد أبرز نجوم الـMMA في الشرق الأوسط وشمال أفريقيا. يتحدث كشاب بيمر بصراعات بين الدين، والشهرة، وتوقعات الناس. عمر يحكي عن رحلته، والتحديات اللي واجهها، وإزاي الصلاة بقت حاجة ثابتة في حياته. نتعرف على شاب عاش وسط تناقضات بين النجاح والشهرة من ناحية، وضغوط المجتمع وإغراءاته من ناحية تانية، وصراع داخلي بينه وبين نفسه… لحد ما بدأ يلاقي إجابات كلنا بندور عليها.
مع خالد الهادي، مؤسس Sushimi، واللي بقى من الأسماء الكبيرة في عالم السوشي في مصر. خالد بيحكي لنا حكايته من أول مرة عمل فيها سوشي لأصحابه، والتشجيع اللي خلاه يكمل، والصعوبات والمراحل اللي مر بها، لحد ما فتح أول فرع لـ Sushimi، وبقت النهاردة علامة معروفة بتقدم تجربة مختلفة وجودة عالية، ووراها فريق قوي شغال كل يوم علشان يطوّرها ويحافظ على نجاحها.
مع محمد صبري ابوطالب، رائد أعمال، المدير التنفيذي والمؤسس لمطاعم كوفتا، واللي هنسمع منه تفاصيل رحلة نجاحه الاستثنائية في مجال المطاعم وإدارتها. بدأ يساهم كمؤسس مشارك ومدير تنفيذي في براندات مطاعم مصرية مهمة. هو مدير تنفيذي ومؤسس مشارك في مطاعم شاورما الريم من سنة 2007، ومؤسس مشارك في مطاعم تغميسة سنة 2016 وساهم في توسعها.
مع أحمد البطراوي، رجل الأعمال وخبير العقارات العالمي، يشاركنا التحديات اللي قابلها وهو بيبني أكبر منصة عقارية رقمية شاملة في مصر، وكمان هيشاركنا قصص واقعية من حياته وخبرته اللي جمعها على مدار 37 سنة.
مع الموسيقي وعازف البيانو أحمد أبو زهرة، مستشار فني في مدينة الفنون والثقافة بالعاصمة الإدارية، ومؤسس ومدير شركة «أرابيسك» للموسيقى. يحكي عن رحلته الفريدة في عالم الموسيقى الكلاسيكية. يشاركنا رؤيته عن إزاي الموسيقى مش مجرد فن، لكنها وسيلة بتغير حياة الناس للأحسن. يكشف لنا كواليس شغله في تنظيم الحفلات، والتحديات اللي بيواجهها عشان يقدم الموسيقى الكلاسيكية بشكل أقرب للناس.
مع صانع المحتوى والمؤثر عمرو قشطة، يشاركنا تفاصيل رحلته من صعوبات الحياة اليومية، مرورًا بقصص التنمر اللي مر بيها وإزاي واجهها، وهنعرف منه إزاي الإيجابية والتفكير المختلف ممكن يغيروا حياتك حتى لو كانت الظروف صعبة، وكمان هيحكي لنا عن مشروعه الجديد، اللي من خلاله بيسعى لنشر الوعي ويخلينا نشوف ذوي الاحتياجات الخاصة بنظرة أعمق.
مع نادين فايد، نستكشف معاها أسرار البراندينج ونقاط قوته في التسويق الإلكتروني وعالم البيزنس. قدرت تعمل قصص نجاح البراندات دي كلها من خلال شغلها في Longe Black، لحد ما صنعت قصة نجاحها الاستثنائية؛ وبقت شريكة تالتة في الشركة نفسها مع مؤسسيها نور نديم ومحمد السمان.
مع هايدي العبد، المؤسسة المشاركة في منصة Impactyn المختصة بالذكاء الاصطناعي واستخدامه في ربط الشركات بالمستهلكين.. النهارده هي رائدة أعمال وواحدة من كبار المستثمرين في مصر، ومستثمرة ملاك في حوالي سبع شركات ناشئة، بتقدم لهم التمويل والاستشارات الاستراتيجية لدعم الشركات وتطويرها، وهي كمان عضو مجلس إدارة في عدد من الشركات التكنولوجية الناشئة.
مع رنا أحمد، المؤسسة والمديرة التنفيذية لشركة Buzz & Co، وصاحبة النجاحات الاستثنائية في مجال التسويق والإعلانات في السوق المصري.
مع د. محمد أمين، مؤسس شركة Slick Management وسلسلة معامل Amin Lab، واللي خبراته الطبية والحياتية والعملية والاجتماعية ثرية جدًا. دكتور تحاليل مصري وطبيب ناجح، طارد شغفه الكبير بالسفر وصناعة المحتوى وعالم الفعاليات والموضة، وبقى رائد أعمال ومؤسس شركة من أهم الشركات المتخصصة في إدارة وتنظيم الفعاليات والعلاقات العامة.
