على الرغم من إن الذكاء الاصطناعي بقاله أكتر من 50 سنة موجود، إلا إنه بقى أكتر انتشارًا وإستخدامًا في الوقت الحالي!
وده لأن كل يوم بيحصل تطور جديد في الذكاء الاصطناعي ودخوله في صناعات كتير. في أولى حلقات البودكاست، ناقشنا تطور الذكاء الاصطناعي وإزاي ممكن نغتنم الفرص المتاحة ونستفيد منها مع ضيفنا المميز عمر ماهر.
عمر ماهر شخصية رائدة في مجال الذكاء الاصطناعي. بدأ رحلته المهنية وهو أصغر مدير لفريق مكوّن من 50 شخص، وإتعلم كتير من خبرته في شركات الناشئة (Startups). حاليًا، هو الرئيس التنفيذي والشريك المؤسس لشركة ““مونتا - Monta AI”” المتخصصة في حلول الذكاء الاصطناعي التوليدي، ولديه خبرة أكتر من 15 سنة في بناء وتطوير منتجات التعلم الآلي.
الحلقة دي ضرورية لكل اللي مهتمين بالذكاء الاصطناعي، علشان ياخدوا نظرة شاملة وأفكار ملهمة تساعدهم في إستخدام الذكاء الاصطناعي سواء في حياتهم اليومية أو شغلهم.
مواضيع الحلقة:
- تطور الذكاء الاصطناعي من البداية لحد تطبيقاته الحالية
- الفرص اللي ممكن الأفراد والشركات يستفيدوا منها
- نبذة عن تاريخ الذكاء الاصطناعي مع أمثلة عملية لاستخداماته
- إزاي الذكاء الاصطناعي ممكن يشكل مستقبلنا