الكثير يعاني من عدم توازن العضلات بين الجهه اليمين و اليسار. فهل هذي مشكله تحتاج تحلها؟ وايش الحلول المقترحه لها؟ والكل فينا عنده عضلات تعتبر نقطه ضعف عنده، كيف ممكن الشخص يطور نقاط الضعف هذي؟
- ايش وظائف الصوديوم في الجسم؟ وعلاقته بترطيب الجسم. - ايش اهميه الصوديوم على الاداء الرياضي؟ - كم المفروض تاخذ ملح باليوم؟ - وليش الناس تخاف من الملح؟ - وهل الملح يحبس المويه بالجسم؟ - البوتاسيوم، دوره بالجسم والترطيب.
كثير نسمع انه لازم تكون وضعيه جسمك مستقيمه خلال الجلوس وانه غير كذا ممكن يجيك الام خصوصا بالرقبه او اسفل الظهر، ولكن هل فعلا وضعيه الجسم لها تأثير مباشر على الالم؟ وهل لازم الجسم يكون متساوي بالجهتين او لا؟ و ايش اهميه التنفس الصحيح خلال اليوم وكيف ممكن تطور من طريقه التنفس عندك؟ كل هذا و اكثر يشاركنا فيه اخصائي علاج الحركه امير الداغر.
الكافيين هو من اكثر الاشياء اللي الناس تستهلكها من عشرات السنين لتأثيره الواضح على زياده التركيز وتحسين الاداء الرياضي. حنتكلم عن كيفيه عمل الكافيين، فوائده و تأثيره على الاداء الرياضي، و اضراره المحتمله مع الاستخدام الخاطىء وكل شيء ثاني ماكنت تعرف انك تحتاج تعرفه عن الكافيين بالتفصيل.
في الآونه الاخيره يوجد صحوه كبيره للتدريب والتغذية حسب الادله العلمية، ايش ايجابيات وسلبيات الشيء هذا؟ وهل نقدر نعتمد على العلم ١٠٠٪ وننفي الخبره والممارسة او لا؟
هل ممكن تلعب باورلفتنق و كمال اجسام بنفس الوقت؟ في هذا الحلقه شرحنا اساسيات الباورلفتنق و تعريفها و ايضا تعريف كمال الاجسام وتكلمنا عن الفروقات الاساسيه بينهم و الاشياء المشتركه ايضا.
تكلمنا كيف ممكن تنظم وقتك مع مشاغل حياتك و كيف ممكن توازن مابين الدراسه و التمرين.
العالم مينو يعتبر من اقوى الباحثين قي المجال الرياضي ويقدم اقوى دورة في المجال الرياضي. الحلقة مترجمة بالعربي باليوتيوب. تكلمنا عن الحافز للبناء العضلي و التقسيم التدريبي و كيف تكسر حاجز التطور بالتمرين.
بمناسبه مرور سنه على بودكاست على البنش، حبينا ناخذ اسئله منكم ونجاوب عليها بالتفصيل.
ماهي حدود التمرين الثلاثه الاساسيه اللي يتم تحديد عدد الجلسات الاسبوعيه على اساسها؟ شاركنا محمد المرزوق كل مايخص حدود التمرين الاساسيه الحد الادنى، حد المحافظه و الحد الاقصى و ليش مهم الشخص يعرفها ويحدد جلساته الاسبوعيه على اساسها. و حيكون عندك فهم على اي اساس يتم تحديد جلسات التمرين الاسبوعيه لكل عضله.
الكثير مننا يتمرن لغرض انه يكون شكل جسمه مرتب و جميل ولكن الاغلب ممكن يكون غافل عن اهميه التمرين خصوصا تمارين المقاومه مع التقدم بالعمر. يشاركنا الدكتور آدم بطاينة ايش التغيرات الفسيولجيه اللي تحصل لكل شخص فينا مع التقدم بالعمر و كيف ممكن نخفف من اعراض الشيخوخه السلبيه اللي تحصل مع التقدم بالعمر عن طريق تمارين المقاومه. وايضا تكلمنا اغلب الاشياء المتعلقه بتقدم العمر و التمرين.
فيه جدال دائم ومقارنه بين تمرين العضلة مرة واحدة بالاسبوع او اكثر من مرة؟ نفصل الفروقات بينها بالتفصيل، وايضا تكلمنا عن جدول الفل بودي وكيف ممكن تطبقه بشكل صحيح. وختمنا بشرح مفصل لكيف تختار مدة الراحة بين الجلسات لافضل بناء عضلي.
