مع عبدالله الصافي، تجديد المعلومات والمصداقية، هل البناء العضلي يشترط فيه عدد معين من العدات؟، المرونة الذهنية، قدوة عبدالله الصافي في رياضة كمال الأجسام، اهمية النادي رغم مشاغل الحياة.
الكل فينا يحاول يظهر نفسه بافضل مظهر ويخفي الكثير من الثغرات اللي عنده، و احد هذي الثغرات اللي منتشره هي انعدام الثقه بالنفس. نشارك معك قصصنا الشخصيه مع عدم الثقه بالنفس وايش سوينا للتغلب على هذي الثغره، بدون فلاتر او تصنع للمثاليه. شاركنا الكثير من الكلام اللي اول مره نشاركه و الهدف هو انه ممكن تكون قصصنا ملهمه بالنسبه لك وتقدر تزيد ثقتك بنفسك ايضا في جميع مجالات حياتك.
الكثير من الناس يبدى يدخل بتفاصيل كثير بالتمرين خصوصا في البدايات و التفاصيل هذي ممكن تخلي موضوع التمرين معقد اكثر من اللزوم. نفصل الكثير من الامور اللي تم تعقيدها في التمرين بالفتره الاخيره عشان ماتقروش نفسك فيها.
اخذنا الاسئله من المتابعين وكنتوا انتم على البنش.
كل رمضان يجي ويجيب معه العديد من الاسئله عن التمرين والتغذيه. نعطيك كل شي تحتاج تعرفه للحفاظ على مستواك خلال رمضان وللحصول على افضل خساره للدهون كاستغلال لفتره رمضان.
يشاركنا عبدالله العوضي تفاصيل عميقه عن استخدام الهرمونات هل ممكن استخدامها مدى الحياه؟ كيفيه الاستخدام لاقل الاعراض الاجانبيه ؟ هل الهرمونات تسبب العقم؟ و ايش الحلول لهذي المشكله؟
الكثير من الناس يتعب مع الاكل خصوصا من ناحيه التكاليف الماديه. نتكلم كيف ممكن تاكل بشكل صحي وحسب اهدافك باقل التكاليف مع استراتيجيات عمليه تقدر تطبقها مباشره.
يشاركنا بطل ومدرب كمال الاجسام فيصل السليمان تجربته في موسم بطولات سنه ٢٠٢٢ بعد فتره طويله من الانقطاع عن البطولات وايضا نناقش هل نظام المرونه مناسب لتجهيز بطولات كمال الاجسام او لا؟ ومواضيع اخرى.
السكري يعتبر من اكثر الامراض انتشارا في العالم وايضا في الخليج. ولكن، ايش الاسباب في انتشاره و كيف ممكن تتفاداه باذن الله اكيد؟ واخذنا اسئله من المصابين في داء السكري بتفيدك.
«ماعندي وقت اتمرن والله» كم مره سمعت هالكلمه؟ او ممكن انت تقولها ايضا! هالمره ماحنقول انها اعذار لانه البعض فعلا ممكن يكون مشغول، ولكن كيف تقضي وقت وايام اقل بالجيم وتتحصل على نتائج اكبر؟
خصصنا الحلقه هذي للنساء وجبنا سندس ملائكه المختصه في التغذيه الرياضيه و تحسين الاداء الرياضي لمشاركتنا التالي ماهو الاكل العاطفي، وايش الحلول المقترحه للتعامل معه؟ ماهي مراحل الدوره الشهريه؟ ايش تأثير هذي المراحل على تغيرات الجسم و هل يمكن التمرين خلالها؟ متلازمه نقص السعرات وهل لها علاقه بانقطاع الدوره الشهريه؟ وايش الحلول لانقطاع الدوره؟ ماهي تكيسات المبايض، وايش تأثيرها على خساره الوزن/تحسين شكل الجسم؟
الكثير مننا يرغب بانقاص معدل الدهون بجسمه ولكن فيه الخوف من خساره الكتله العضليه.يشاركنا ضيفنا اسلام ابو عوف كيف ممكن تنشف بدون خساره العضلات كشخص طبيعي.
