الكثير مننا يتمرن لغرض انه يكون شكل جسمه مرتب و جميل ولكن الاغلب ممكن يكون غافل عن اهميه التمرين خصوصا تمارين المقاومه مع التقدم بالعمر. يشاركنا الدكتور آدم بطاينة ايش التغيرات الفسيولجيه اللي تحصل لكل شخص فينا مع التقدم بالعمر و كيف ممكن نخفف من اعراض الشيخوخه السلبيه اللي تحصل مع التقدم بالعمر عن طريق تمارين المقاومه. وايضا تكلمنا اغلب الاشياء المتعلقه بتقدم العمر و التمرين.
فيه جدال دائم ومقارنه بين تمرين العضلة مرة واحدة بالاسبوع او اكثر من مرة؟ نفصل الفروقات بينها بالتفصيل، وايضا تكلمنا عن جدول الفل بودي وكيف ممكن تطبقه بشكل صحيح. وختمنا بشرح مفصل لكيف تختار مدة الراحة بين الجلسات لافضل بناء عضلي.
عماد الشميري هو مالك نادي رذم في الرياض، رذم هو اول نادي في المملكه العربيه السعوديه متخصص في رياضه الكالسثنكس. ولكن خلف هذا النادي قصه وتعب ومعاناه وشغف كبير لهذي الرياضه يشاركها معنا عماد بتفاصيلها. وايضا تكلمنا عن اهميه الرياضه للاطفال وليش الاهالي لازم يكون عندهم حرص انه اطفالهم يكونوا بانديه رياضيه.
ثبات الوزن هو احد المشاكل اللي تواجهه الكثير وممكن تكون سبب بانهم يوقفوا تمرين او التزام بالاكل. نشرح ثبات الوزن بالتفصيل و بطريقه مختلفه عن المعتاد عشان تكون فاهم متى ممكن ثبات الوزن يكون شي سيء او متى ممكن يكون شيء كويس او ضروري احيانا؟ وكيف تقيس تقدمك بطريقه صحيحه مع او بدون الميزان. وكمان تكلمنا كيف ممكن تحافظ على وزنك بعد ماتنقص ويبقى جسمك كويس سنين قدام بدون ماترجع وتنتكس ويزيد وزنك من جديد.
مع التقدم بالزمن لعبه كمال الاجسام قاعده تتغير اساليبها بشكل كبير من ناحيه التمارين، التغذيه و ايضا استخدامات محسنات الاداء اليوم معانا عبدالله العوضي لاعب كمال الاجسام الاماراتي يشرح لنا الاختلافات الاساسيه بين طريقه اساليب المدرسه القديمه و المدرسه الحديثه في عالم كمال الاجسام، وايش الافضل بينهم و كيف ممكن نستفيد من المدرستين ؟ وتكلمنا ايضا عن محسنات الاداء و الاستخدامات و المفاهيم المغلوطه عنها.
النقاش الازلي لاي شخص يتمرن بالجيم اللي هو ايش الافضل اخلي تماريني اغلبها بالاوزان الحره او الاجهزه لافضل تطور و بناء عضلي؟ وايضا تكلمنا بالتفصيل عن الدروب سيت و السوبر ست.
تساعدنا المدربه سديم الدرويش على اجابه بعض الاسئله الشائعه عند البنات مثل هل يوجد فروقات في تصميم الجدول التدريبي للبنات غير عن الشباب؟ وهل يوجد فروقات بالتغذيه بينهم؟ وايضا هل ممكن المرأه الحامل تتمرن؟ وكيف تتمرن؟ وايش التمارين اللي تسويها بعد الحمل؟
كل عضله يوجد لها العشرات من التمارين اللي ممكن تفعلها ولكن! ايش الاساسيات اللي ممكن تساعدك تختار التمارين اللي تكون مناسبه لك و تعطيك افضل بناء عضلي؟
الكثير مهتم انه يبدأ في مجال التدريب الرياضي ولكن مايعرف كيف يبدى. نتكلم بالتفصيل ايش الخطوات اللي تحتاجها عشان تصير مدرب معتمد. و ايضا كيف تختار مدربك وكيف تميز بين المدرب الجيد و المدرب السيء عشان ماتضيع وقتك مع مدرب غير مناسب لك!
كثير نسمع مصطلح الحجم التدريبي ولكن ايش يعني؟ وكيف استخدم الحجم التدريبي للوصول لافضل تطور عضلي؟ وهل لازم اتمرن للفشل العضلي او لا؟ وكيف ممكن التمرين للفشل العضلي ياثر على نتايجك بشكل ايجابي او سلبي.
هل لازم تغير تمارينك بشكل مستمر للحصول على افضل بناء عضلي او ممكن الشيء هذا يأثر على نتايجك بشكل سلبي؟ وعلى اي اساس ممكن تغير تمارينك او تعدل جدولك التدريبي؟ حلقة مهمه لو انت شخص تغير تمارينك بشكل مستمر وعشوائي.
الكروسفت هي احد الرياضات المستحدثه و اللي تعتبر حاليا محل اهتمام الكثير من الناس لطبيعتها الجماعيه ولانتشار انديه الكروسفت. لذلك اليوم استضفنا اللاعب عثمان العثمان يشاركنا اكثر عن اساسيات الكروسفت و كيف ممكن تبدى فيها وهل الكروسفت رياضه اصابات فعلا؟
