إيه رأيك لو عرفت إن علم الاقتصاد مستحدث ومفيهوش ثوابت، وممارسته عبارة عن ترقيع وتوفيق للمصالح؟
في هذه الحلقة من بودكاست جلاس روم استضفنا خبير الاقتصاد، والباحث، والأستاذ بالجامعة الأمريكية، واستشاري التمويل، ومؤسس شركة Zilla Capital، عمر الشنيطي.
حوار عن المحاولات الفاشلة لتفسير الاقتصاد بين نظريات قعدات الكنبة والقهاوي، ومحاولات المهندسين لتوقع كل شيء وتحويله لمعادلات وأرقام.
سماعك لهذه الحلقة يمكن اعتباره محاولة أخيرة لفهم بعض أشهر أفكار الاقتصاد، وكشف زيف الشائعات عن توقيت بيع وشراء الذهب، والعقارات، وغيرهم من نظريات الاستثمار الفارغة.
قصة الاقتصاد وكيف نشأت الأنظمة الاقتصادية الحديثة، ومتى دخلت الرأسمالية والاشتراكية على الخط، وما أفضل نظام يؤمن به الضيف.
شرح عمر طريقة تفكير العاملين بالاقتصاد وبيّن انه علم تراكمي مفيهوش ثوابت، مبني على الترقيع والتجربة والخطأ، كما يخلو من نموذج صح ١٠٠٪. وقالنا ازاي بتتعارض النظريات الاقتصادية مع سلوك الناس وبناءًا عليه اتعمل أحدث فرع في الاقتصاد، المعروف باسم الاقتصاد السلوكي.
رأي عمر إن صناع القرارات الاقتصادية في كل حتة في العالم من أول مدير أصغر شركة لحد رؤساء حكومات أكبر دول العالم بيتصرفوا بمنتهى العشوائية ومعندهمش خطة أو استراتيجية، وإن أفضل قرار تاخده كرئيس شركة إنك متاخدش قرارات.
أهم جزء في الحلقة واللي يهم أي مستمع هو نصايحه في الاستثمار وإمتى تشتري وإمتى تبيع سواء عقار أو معادن أو عملات أو حتى عربيات. وايه اللي لما تسمعه تعرف انه كدب
وإن الحاجة مش هترخص وإمتى العكس.
السر يكمن في فهم “دورة الاستثمار” لأي منتج.
مواضيع الحلقة:
- شعورك جوه جلاس روم
- علاقة التفكير المنعزل بالاقتصاد
- البشر بيتصرفوا عكس نظريات الاقتصاد
- إمتى ظهر الاحتياج للاقتصاد اللي نعرفه؟
- ظهور الرأسمالية والاشتراكية
- الفرق بين إقتصاد الشرق واقتصاد الغرب
- طب ليه لسه بنتعامل بالعملة الورقية؟
- مشاكل المهندسين مع الاقتصاد
- إمتى اشتري دهب؟
- علاقة الدهب بالحرب
- من نعم ربنا إنك معندش بزنس دلوقتي
- طب واعمل ايه أنا المواطن العادي؟
- إستثمر في دول
- الاستثمار في نفسك أو في شركتك
- ليه بتكره السوشيال ميديا
- رأيك في محتوى البودكاست
- السؤال اللي خايف منه